12/10/2017 0 Comments منتجات شركة ناوصباح النور والورد. أحب صباحات الويك اند كلها سكون وتخليني احس بالتفاؤل. أحب اكتب في الصباح ما افتكر اني كتبت اي موضوع في المدونة في الليل :$ موضوعي اليوم حيكون ريفيو بسيط وسريع لمنتجات اشتريتها من موقع iHerb و رأيي فيها بعد التجربة. اتكلمت عن الموقع هذا قبل كده في تدوينة سابقه وقلت ان أغلب المنتجات اللي فيه اورغانك للي يحب هذا اللايف ستايل. المنتجات اللي في الموقع كثيرة جدا وأغلبها غير معروف عندنا عشان كدا قررت أكتب هذا الموضوع يمكن يساعد اي شخص يحب يجرب الشراء منه. راح اقسم الموضوع على عدة اجزاء وكل فترة انزل جزء لأن المنتجات اللي جربتها كثيرة وقابلة للزيادة بما إني صرت مدمنة تسوق من هذا الموقع :( أولا - منتجات عجبتني جدا و راح أكرر شراءها : ** شامبو شجرة الشاي السعر. 6.53 دولار شجرة الشاي مادة مطهرة و عشان كدا هذا الشامبو مناسب جدا لفروة الراس المتهيجة اواللي فيها حبوب. الشامبو كمان خالي من كثير من المواد الضارة اللي تكون عادة في أغلب الشامبوهات التجارية مثل مادة الباربين أو لوريث الصوديوم. عجبني الشامبو جدا. مناسب للاستخدام اليومي و ما يجفف الشعر. وريحة شجرة الشاي تحسسني بالانتعاش. أكيد راح ارجع اشتريه لو خلص أو ممكن اجرب شامبو ثاني من نفس الشركة Nature's Gate لأني سمعت مدح كثير على أغلب منتجاتهم. ** الصابونة الافريقية السوداء اسم المنتج. Nubian Heritage African Black Soap السعر. 3.27 دولار صابونة مصنوعة من مكونات نباتية 100%. لسان الحمل والتمر الهندي وزبدة الشيا ، وهي من أفضل المنتجات مبيعا في الموقع وتقييمها عالي جدا. أنا حبيتها لأنها أبدا ما تجفف الجسم. واستخدمتها مرة على وجهي و ما عملت لي اي مشاكل ( أنا أبدا ما استخدم صابون لوجهي لأن بشرتي حساسة ). ما اعرف اذا توحد اللون أو تبيض أو ما اعرف ايه لأني بصراحة ما استخدمتها لهذا الغرض. أنا كنت ابحث عن صابونة من مكونات طبيعية و ما تجفف البشرة و لقيت اللي ابغاه فيها. طبعا راح ارجع اشتريها ثاني لأنها ناسبتني جدا . السعر. 8.02 دولار خلوني ابدأ بأني اقول اني أحبببب هذا اللوشن ♥♥♥. من أفضل الاشياء اللي اشتريتها من الموقع. خفيف و ماله ريحة والبشرة تتشربه بسرعة. أحب منتجات شركة Beauty Without Cruelty لأنها خالية من مادة الباربين المضرة وخالية من المكونات الحيوانية. اللوشن هذا خالي من العطور لكن ممكن اضافة القليل من الزيوت العطرية له واستخدامه في المساج مثلا أو الاروماثيرابي. أنا خلاص ما استخدم مرطب غيره يعني أكيد راح اشتريه ثاني وثالت ورابع :) ثانيا - منتجات ماراح أكرر شراءها : السعر. 11.46 دولار زيت الجوجوبا مثل أي زيت لازم يكون اورغانك عشان يكون مفيد. كنت ادور على نوع اصلي واللي عند العطارين سعره مبالغ فيه. قلت أجرب هذا النوع لأن الشركة معروفة ومكتوب عالمنتج انه اورغانك. ولما وصلني جربته لفترة ولاحظت عدة اشياء ما عجبتني. اولا الزيت له ريحة غريبة كأنها ريحة شي محروق. ثانيا طلع لي حبوب لما استخدمته على جسمي (زيت الجوجوبا المفروض ما يطلع حبوب لأنه تكنيكالي مو زيت ). قرأت في موقع ثاني ان زيت الجوجبا مهم جدا يكون معصور عالبارد عشان يكون محتفظ بالعناصر المفيدة اللي فيه و ما اعتقد ان هذا النوع كذا. بالمختصر ما ناسبني و ماراح ارجع اشتريه مرة ثانية . * زيت اللوز الحلو السعر. 3.18 دولار ما حسيت انه يفرق عن اي زيت لوز حلو اشتريته من العطار :$. بشكل عام قررت الزيوت اللي ممكن اشتريها من هنا بسعر كويس ما يحتاج اشتريها من الموقع. نفس الشي حسيت ما يحتاج اشتري فيتامينات د طالما هي متوفرة في الصيدليات هنا بسعر وجودة متقاربة . السعر. 4.32 دولار رقائق كوكيز بالشوكلاته ، جوز الهند و بذور السمسم. المفروض انها صحية وكوشر ومافيها جلوتين وكل حاجه كويسه لكن طعمها ما عجبني ابداااا :(. ناشفه جدا وماتنبلع. ما افكر ابدا اشتريها او حاجه زيها بعد كدا :( أتمنى هذه الميني ريفيوز تعجب وتفيد كل شخص حاب يعرف أكثر عن منتجات الموقع و حاب يجرب يشتري منه. واللي حابه تحصل على خصم 10 دولار من اول طلبية تستخدم هذا الكود KMC488 في التشيك أوت. أو هذا اللينك اذا اشتريتوا من الموقع راح تحصلوا كمان على كود خاص بكم و تستفيدوا كل مرة يستخدمه شخص تاني . صباح الخير وشكرا لمراجعتك أهلين خنساء. معاكي حق في مزيل العرق ما ينفع لجونا الحار مرة خفيف ما راح ينفعك الا اذا شلتيه معاك بالشنطة واستخدمتيه كل ساعه مثلا :(. و الصبغه زي ما قلتي تخرج مع كل غسله. راح اجرب غسول الجسم الطلبية الجايه انشاء الله و السكراب شكله مغري :) شكرررا ويعطيك الف عافية على هالرد المفصل أكيد حيفيد كل من حاب يجرب يشتري من الموقع زي ما فادني أنا ♥
0 Comments
Leave a Reply. |